In nomine summi et ęterni Dei. Noverint cuncti [fideles], presentes et futuri, quod ego Vuido vuerpitionem facio de illa querela quam habebam contra monachos Clunienses de Vertre et de omni terra sibi adjacente, quam illis querelabam, ut habeant ab hac die et deinceps absque ulla mei et heredum meorum vel parentum contradictione. Accepi autem ab ipsis monachis pro hac re XXX^ta solidos, et partem et societatem de omnibus benefactis eorum, et locum sepulturę mihi et uxori meę Adalaiz. Ut autem hęc carta permaneat, manu propria firmo, testibusque roborandam trado. S. Widonis, qui fieri et firmare rogavit. S. Gaufredi. S. Leotaldi. S. Eldini. S. Drogonis. S. Udolrici. Acta sunt hęc mense octobri, dominica die, luna XVI, regnante Heinrico rege.